AI සමග වැඩ කරන පුද්ගලයින් හුදකලා වීමට, නින්ද නොයෑමට සහ වැඩ අවසන් වූ පසු මත්පැන් පානය සඳහා වැඩි ඉඩක් ඇති බවට පර්යේශකයන් සිදු කරපු අධ්යයනයකින් සොයාගෙන තිබෙනවා.
ඒ අනුව අලෙවිකරණ, මූල්ය සහ නිෂ්පාදන කර්මාන්තවල බහුලව භාවිතා වන AI සමඟ වැඩ කිරීම සේවකයින්ගේ පෞද්ගලික ජීවිතයට ‘හානිකර’ බලපෑම් ඇති කළ හැකි බවට පර්යේෂකයන් පවසනවා.
ජෝර්ජියා විශ්ව විද්යාලයේ පර්යේෂකයන් විසින් මෙහෙයවන ලද කණ්ඩායම විසින් එක්සත් ජනපදය , තායිවානය , ඉන්දුනීසියාව සහ මැලේසියාව යන රටවල අත්හදා බැලීම් හතරක් සිදු කර තිබෙනවා.
එක් අධ්යයනයක දී, AI පද්ධති සමඟ වැඩ කළ තායිවාන ජෛව වෛද්ය සමාගමක ඉංජිනේරුවන් 166 දෙනෙකු, සති තුනක කාලයක් තුළ ඔවුන්ගේ තනිකම, බැඳීම් කාංසාව සහ අයිතිවාසිකම පිළිබඳ හැඟීම පිළිබඳව සමීක්ෂණය කර තිබෙනවා.
මෙහිදී තනි පුද්ගලයිගේ ප්රයෝජනවත් හැසිරීම් පිළිබඳව ඇගයීමට ලක් කළ අතර පවුලේ සාමාජිකයින් ලෙස සහභාගි වූ අය නින්ද නොයෑම සහ වැඩ කිරීමෙන් පසු මත්පැන් පානය කිරීම පිළිබඳ වාර්තා කර තිබෙනවා.
කෙසේ වෙතත් මෙම අධ්යයනයෙන් සොයා ගත් විශේෂ දෙයක් වූයේ මෙම සේවකයින්, ඔවුන්ගේ සගයින්ට උපකාර කිරීමට ඉදිරිපත් වීමට වැඩි ඉඩක් ඇති බවටයි. මෙය සමාජ සම්බන්ධතා අවශ්යතාවයෙන් වැඩි කරන බවද එම කණ්ඩායම පවසනවා.
අනෙක් රටවල් වල සිදු කළ අතහදා බැලීම් ද මීට සමාන ප්රතිඵලයක් ලබා දී තිබෙනවා.
ප්රධාන පර්යේෂකයෙකු වන Pok Man Tang පවසන්නේ ” AI පද්ධතිවල ශීඝ්ර දියුණුව නව කාර්මික විප්ලවයක් ඇති කරන අතර එය බොහෝ ප්රතිලාභ සමඟ සේවා ස්ථානය ප්රතිනිර්මාණය කරන නමුත් සේවකයින්ට මානසික හා ශාරීරික බලපෑම්වලට හානි කළ හැකි සමහර හඳුනා නොගත් අන්තරායන් ද ඇති කරයි,” යනුවෙනුයි.
Leave a Reply
View Comments