2025 දී දියත් කිරීමට නියමිත මිනිසුන්ගේ සෑම පියවරක් පිළිබඳවම ඔත්තු බැලීමේ හැකියාව ඇති චන්ද්‍රිකාවක් පිළිබඳව විශේෂඥයින් අනතුරු අඟවා තිබෙනවා.
Startup Company එකක් වන Albedo විසින් නිර්මාණය කර තිබෙන “Big Brother” ලෙස හඳුන්වන මෙම චන්ද්‍රිකාව ඉතා උසස් තත්වයකින් නිම කර තිබෙන නිසා එයට අභ්‍යවකාශයේ සිට මිනිසුන් හෝ වාහන බලපත්‍ර තහඩු පවා විශාලනය කර බැලිය හැකි වෙනවා.
දැනට මෙහි මුහුණු හඳුනා ගැනීමේ මෘදුකාංගයක් නොමැති බවට Albedo සමාගම පැවසුවත්, ඔවුන් විසින් මිනිසුන් රූපගත කිරීම හෝ පෞද්ගලිකත්වය ආරක්ශා කරන බවට කිසිවක් සඳහන් කර නැහැ.
එක්සත් ජනපද ජාතික ආරක්ශාවට තර්ජනයක් විය හැකි දේවල් පිළිබඳව නිරීක්ශණය කිරීමට එම රජයට උපකාර කිරීම සඳහා Albedo සමාගම විසින් එක්සත් ජනපද ගුවන් හමුදාව සහ ජාතික ගුවන් සහ අභ්‍යවකාශ බුද්ධි මධ්‍යස්ථානය සමග ඩොලර් මිලියනයේ කොන්ත්‍රාත්තු 2ක් අත්සන් කර තිබෙනවා.
මේ පිළිබඳව Electronic Frontier පදනමේ උපදේශක ජෙනිෆර් සඳහන් කර තිබුණේ ” මෙය අපි නොදැනුවත්වම ඕනෑම රජයකට ඕනෑම වෙලාවක භාවිතා කළ හැකි, අහසේ ඇති යෝධ කැමරාවක් බවයි”
චන්ද්‍රිකාව පෘථිවි පෘශ්ඨයේ සිට සැතපුම් 100ක දුරකින් කක්ෂගත කිරීමට නියමිත වෙනවා.
source : Daily mail
