පසුගිය දිනක සඳට ගොඩ බැස්වූ SLIM ලෑන්ඩරය මේ වන විට සඳෙහි මතුපිට උඩුයටිකුරු ආකාරයට පවතින බව නව ඡායාරූප හරහා සොයාගෙන තිබෙනවා.
මෙලෙස උඩු යටිකුරු වීමට හේතුව ලෙස ඔවුන් සඳහන් කර තිබෙන්නේ SLIM ලෑන්ඩරයේ එන්ජිමෙහි බලය ක්‍රියා විරහිත වීම බවයි.
නිවද්‍ය ගොඩ බෑමේ තාක්ශණය සඳහා ජපානය විසින් විශාල වශයෙන් ආයෝජනය කර තිබූ අතර මෙම ව්‍යාපෘතිය “moon sniper” ලෙසද හඳුන්වනු ලැබුවා.
ලෑන්ඩරයේ බල ගැටළු නිසා ගොඩබෑමේ ස්ථානය එහි ඉලක්කගත ස්ථානයට අඩි 180 පමණ දුරකින් ගොඩ බැස තිබුණත් JAXA විසින් එහි ගොඩබෑම සාර්ථක බවට තහවුරු කර තිබෙනවා.
SLIM විසින් ගන්නා ලද ඡායාරූප (වමේ) දන්නා සඳ පාෂාණ (දකුණ) සිතියමක් සමඟ සංසන්දනය කිරීමෙන් JAXA හි විද්‍යාඥයින් ගොඩබෑමේ ස්ථානය නිවැරදිව හඳුනාගෙන ඇත.
SLIM ලෑන්ඩරය ගොඩබෑමට පෙර කුඩා රොබෝ ගවේශණ දෙකක් සාර්ථකව සඳට දියත් කර තිබෙන අතර මේ හරහායි ඔවුන් ඡායාරූප ලබාගෙන තිබෙන්නේ.
සෙල්ලම් බඩු නිශ්පාදකයෙකු විසින් නිර්මාණය කරන ලද බේස්බෝල් ප්‍රමාණයේ කැමරා ඩ්‍රෝන යානයක් වන LEV-2 සහ රේඩියෝ සන්නිවේදන උපකරණයකින් සමන්විත LEV -1 මෙලෙස සඳට දියත් කර තිබෙනවා.
LEV -2 විසින් සඳෙහි අවට ඡායාරූප 275 ලබා ගෙන LEV -1 හරහා ඒවා පෘථිවියට විකාශණය කිරීමට හැකි වී තිබෙනවා.
source: Daily Mail
