Amazon විසින් නවතම විශේෂාංගයක් අනාවරණය කර තිබෙනවා. විශේෂම දේ නම් එමගින් Alexa හට පරිශීලකයින්ගේ මියගිය ඥාතීන්ගේ කටහඬ අනුකරණය කිරීමට ඉඩ සැලසීමයි.
සමාගම සිය වාර්ෂික MARS සම්මන්ත්රණයේදී විශේෂාංගය නිරූපණය කල අතර, දරුවෙකු තම මියගිය ආච්චිගේ කටහඬින් නින්දට යන කථාවක් කියවීමට ඇලෙක්සාගෙන් ඉල්ලා සිටින වීඩියෝවක් එහිදී ඔවුන් පෙන්වා තිබුණා.
එහි තිබූ ආකාරයටම Alexa පොත කියවා තිබුනේ ඇලෙක්සාගේ කටහඬ වෙනුවට දරුවාගේ ආච්චිගේ කටහඬිනුයි. Amazon හි ප්රධාන විද්යාඥ රෝහිත් ප්රසාද් විසින් ක්ලිප් එක හඳුන්වා දුන්නේ AI පද්ධතිවලට “මානව ගුණාංග” එකතු කිරීම වඩ වඩාත් වැදගත් වන්නේ එම නිසා බව පැහැදිලි කරමින්.
එනම් මෙම වසංගත කාලවලදී, අප බොහෝ දෙනෙකුට අප ආදරය කරන කෙනෙකු අහිමි වී ඇති නිසා ඔවුන්ගේ කටහඩින් හො යම් සැනසීමක් ලද හැකි බවයි.
AI හට අහිමි වීමේ වේදනාව තුරන් කළ නොහැකි වුවත් එහි අනිවාර්යයෙන්ම ඔවුන්ගේ මතකයන් පවතිනු ඇති බවත්” ඔහු පැවසූවා.
ඒ කොහොම උනත් ඇමේසන් මෙම විශේෂාංගය කවදා හෝ ප්රසිද්ධ කරන්නේද යන්න පිළිබඳ කිසිදු ඇඟවීමක් ලබා දීල නැහැ, නමුත් එහි පද්ධතිවලට පටිගත කරන ලද ශ්රව්ය මිනිත්තුවකින් යමෙකුගේ කටහඬ අනුකරණය කිරීමට ඉගෙන ගත හැකි බව පවසනවා. බහුල වීඩියෝ සහ හඬ සටහන් ඇති යුගයක, මෙයින් අදහස් කරන්නේ ආදරණීයයන්ගේ හෝ ඔවුන් කැමති වෙනත් අයෙකුගේ කටහඬ ක්ලෝන කිරීම සාමාන්ය පාරිභෝගිකයාට ළඟා විය හැකි බවයි.
කෙසේ නමුත් මෙම විශේෂිත යෙදුම දැනටමත් මතභේදයට තුඩුදී තිබෙනවා, සමාජ මාධ්ය භාවිතා කරන්නන් මෙම විශේෂාංගය “Creepy” සහ “Monstrosity” ලෙස හඳුන්වනු ලබන අතර, මෑත වසරවලදී එවැනි AI කටහඬ අනුකරණයන් වැඩි වැඩියෙන් භාවිතා වී තිබෙනවා. මෙම අනුකරණයන් බොහෝ විට “ශ්රව්ය ඩීප්ෆේක්” ලෙස හඳුන්වනු ලබන අතර ඒවා දැනටමත් පොඩ්කාස්ටිං, චිත්රපට සහ රූපවාහිනී සහ වීඩියෝ ක්රීඩා වැනි කර්මාන්තවල නිතිපතා භාවිතා වනවා.
Amazon හිරොහිත් ප්රසාද් පැවසුවේ මෙම විශේෂාංගය මගින් පාරිභෝගිකයින්ට මියගිය අය සමඟ “කල්පවත්නා පුද්ගලික සම්බන්ධතා” ඇති කර ගත හැකි බවයි, එලෙසම ලොව පුරා බොහෝ පුද්ගලයින් දැනටමත් මේ සඳහා AI භාවිතා කරනු ලබනවා.
සමහර මිනිසුන් දැනටමත් මිය ගිය ආදරණීයයන් අනුකරණය කරන චැට්බෝට් නිර්මාණය කර ඇති අතර, උදාහරණයක් ලෙස, “training AI based on stored conversations” පද්ධති වෙත නිවැරදි හඬ එකතු කිරීම හෝ වීඩියෝ පවා – අද AI තාක්ෂණය භාවිතයෙන් සම්පූර්ණයෙන්ම කළ හැකි අතර, එය ඉදිරියේදී වඩාත් පුළුල් වනු නියතයි.
ඒ කොහොම උනත් පාරිභෝගිකයින්ට ඔවුන්ගේ මියගිය ආදරණීයයන් ඩිජිටල් AI රූකඩ බවට පත්වීමට අවශ්යද නැද්ද යන්න සම්පූර්ණයෙන්ම පාරිභෝගිකයන්ගේ තීරණයක්.
Leave a Reply
View Comments