එක්සත් ජනපද ෆෙඩරල් අධිකරණය මගින් AI පද්ධති වලට පේටන්ට් බලපත්‍ර නිකුත් කිරීම තහනම් කර තිබෙනවා.
අධිකරණය තවදුටත් පවසා සිටියේ AI පද්ධති මිනිසුන් නොවන නිසා මෙලෙස තීරණයක් ගත් බවයි.
මෙම තීන්දුව ලබා දෙනු ලැබුවේ පරිගණක විද්‍යාඥ ස්ටීවන් තලර් විසින් ඔහු විසින් නිර්මාණය කරන ලද විවිධ AI මෘදුකාංග මෙවලම්වල ප්‍රකාශන හිමිකම සහ පේටන්ට් බලපත්‍රය ලබා ගැනීම සඳහා නීතිමය සටනකට පිවිසි පසුවයි.
2019දී Creativity machine ලෙස නම් කරන ලද AI පද්ධතියක් වෙනුවෙන් ප්‍රකාශන හිමිකම ලබා ගැනීමට ගොස් Thaler අසමත් වූ අතර, පසුව එම තීරණයම 2022 දී එක්සත් ජනපද ප්‍රකාශන හිමිකම් කාර්යාලය විසින් අභියාචනයක් මත තහවුරු කලේය.
ඒ හා සමාන නඩුවකදී, එක්සත් ජනපද පේටන්ට් කාර්යාලය 2020 දී තීන්දු කලේ “” Thaler ගේ AI පද්ධතිය “ස්වාභාවික පුද්ගලයෙක්” නොවන නිසා එය නීත්‍යානුකූල නව නිපැයුම්කරුවෙකු විය නොහැකි බවයි ”
2021 දී විනිසුරුවරයෙකු විසින් මෙම තීරණය අනුමත කරන ලද අතර පසුගිය දින, ෆෙඩරල් අධිකරණය විසින් නැවත වරක් මෙම තීරණය තහවුරු කෙරුණි.
උසාවියේ මතය අනුව, විනිසුරු Leonard P. Stark සඳහන් කරන්නේ, බැලූ බැල්මට, මෙම නඩුව විසඳීම සඳහා “නව නිපැයුම්වල ස්වභාවය හෝ AI පද්ධතිවල අයිතිවාසිකම් පිළිබඳව වියුක්ත පරීක්ෂණයක්” අවශ්ය වනු ඇතැයි කෙනෙකුට සිතිය හැකි බවයි. නමුත් අදාල පණත මගින්ම එය තහවුරු කර ඇති නිසා ඒ සදහා වෙනත් පරීක්ෂනයක් අවශ්ය නොවන බවයි ඔහු පවසන්නේ.
ඒ අනුව පේටන්ට් බලපත්‍ර පනතේ පැහැදිලිව සඳහන් වන්නේ පේටන්ට් බලපත්‍ර දැරිය හැක්කේ මිනිසුන්ට පමණක් බවත් මෙම පනතට අනුව පේටන්ට් බලපත්‍ර දරන්නන් “පුද්ගලයින්” ලෙස හදුන්වන බවයි.
මෙම තීන්දුව එක්සත් ජනපදයේ AI පේටන්ට් නීතිය සඳහා පවතින තත්ත්වය තහවුරු කරයි. EU හි පේටන්ට් කාර්යාලය සහ ඕස්ට්‍රේලියානු මහාධිකරණය යන දෙකම මෑත වසරවලදී සමාන තීන්දු ලබා දී ඇති නමුත්, ඕස්ට්‍රේලියාවේ, ෆෙඩරල් අධිකරණයක් මුලින් AI පේටන්ට් බලපත්‍ර හිමියන්ට පක්ෂව තීන්දු කර තිබුණි.
BloombergLaw ට අනුව, Thaler, පේටන්ට් පනත සම්බන්ධයෙන් උසාවියේ තීන්දුව විවේචනය කරමින්, ඔහුගේ නීතිඥ බ්‍රවුන්, නේරි, ස්මිත් සහ ඛාන් LLP උසාවියේ තීන්දුව අභියාචනය කිරීමට සැලසුම් කර තිබෙනවා.
ඇබට් පවසා තිබුණේ: “එය පේටන්ට් පනතේ අරමුණ නොසලකා හරින බවත් AI-උත්පාදනය කරන ලද නව නිපැයුම් සදහා දැන් එක්සත් ජනපදයේ පේටන්ට් බලපත්‍ර ලබා ගත නොහැක බවයි.
එලසම එය සැබෑ සෘණාත්මක සමාජ ප්‍රතිවිපාක සහිත ප්‍රතිඵලයක් බවත් ඔහු වැඩිදුරටත් පවසා සිටියා”
Source– TheVerge
