දැනට පවතින වේගවත්ම පරිගණකයට පවා වසර 47 ගතවන ගණනය කිරීම් ක්ශණිකව සිදු කළ හැකි ක්වොන්ටම් පරිගණකයක් තමන් නිර්මාණය කළ බව Google ප්‍රකාශ කරනවා.
කිසිදු සාම්භාව්‍ය යන්ත්‍රයකට කළ නොහැකි ගණනය කිරීම් විසඳමින් ” ක්වොන්ටම් ආධිපත්‍යය” සාක්ශාත් කර ගැනීමේ විශාළ සන්ධිස්ථානයකට පැමිණ තිබෙන බවයි ඔවුන් පවසන්නේ.
ඒ අනුව Google ගේ නවතම ක්වොන්ටම් ප්‍රොසෙසරය Sycamore, 70 qubits (quantum bits) ක්වොන්ටම් තොරතුරු ඒකක 70 එකවර ගබඩා කිරීමට සහ සැකසීමට ඉඩ සලසන අතර මෙය පෙර මාදිලියට වඩා මිලියන 241 ගුණයකින් බලවත් වෙනවා. මෙය වේගවත්ම සම්භාව්‍ය සුපිරි පරිගණක වල හැකියාවන් පවා අභිබවා යාමට සමත් වෙනවා.
2019 දීත් Google විසින් මෙසේ “ක්වොන්ටම් ආධිපත්‍යය ” සාක්ශාත් කරගත් බව පැවසුවත් IBM වැනි ප්‍රතිවාදී සමාගම් තර්ක කරේ ගූගල් ක්වොන්ටම් පරිගණකය සිදු කරන කාර්‍යයන් සෙමින් වුවත් සම්භාව්‍ය පරිගණක මගින් සිදු කළ හැකි බවටයි.
කෙසේ වෙතත් නවතම ක්වොන්ටම් ප්‍රොසෙසරය මගින් ගූගල් නැවතත් සඳහන් කරන්නේ ඔවුන් “ක්වොන්ටම් ආධිපත්‍යය ” සාක්ෂාත් කර ගනිමින් සාම්ප්‍රදායික සම්භාව්‍ය පරිගණක හැකියාවන් ඉක්මවා යා හැකි බලවත් යන්ත්‍රයක් නිර්මාණය කළ බවටයි.
maching learning, දේශගුණික විපර්‍යාස ආකෘති නිර්මාණය, ඖශධ සොයා ගැනීම් ඇතුළු විවිධ ක්ෂේත්‍ර වල විප්ලවීය වෙනසක් සිදු කිරීමට පවා ක්වොන්ටම් පරිගණක වලට හැකියාව තිබෙනවා.
