රුසියාව විසින් යුක්රේනය ආක්‍රමණය කිරීමෙන් පසු රුසියානු සොල්දාදුවන්ට එරෙහිව ප්‍රචණ්ඩත්වය ඉල්ලා සිටීමට සමහර රටවල ෆේස්බුක් සහ ඉන්ස්ට්‍රග්‍රෑම් පරිශීලකයන්‍ට ඉඩ දීමට මව් සමාගම වන මෙටා ගත් තීරණයට ප්‍රතිචාර වශයෙන්,ඉන්ස්ට්‍රග්‍රෑම් තහනම් කිරීමට සැලසුම් කර ඇති බව රුසියාව පසුගිය සතියේ නිවේදනය කලා. ඒ පොරොන්දු වූ විදියටම රුසියාව විසින් අද සිට ක්‍රියාත්මක වන පරිදි ඉන්ස්ට්‍රග්‍රෑම් තහනම් කරනු ලැබුවා.
යුද්ධය පිළිබඳ තොරතුරු ගලායාම පාලනය කිරීමේ උත්සාහයක් ලෙස රුසියාව අන්තර්ජාල වේදිකාවලට ප්‍රවේශය ක්‍රමානුකූලව සීමා කරමින් සිටින අතර දැනටමත් Facebook සහ Twitter තහනම් කර තිබෙනවා. මේ නිසා මිලියන 80ක පරිශීලකයන් සදහා ප්‍රවේශය අවහිර වී තිබෙනවා.
පසුගිය සිකුරාදා ඉන්ස්ටග්‍රෑම් ප්‍රධානී ඇඩම් මොසෙරි විසින් ට්විටර් පණිවිඩයක් නිකුත් කරමින් මේ පිළිබදව ප්‍රකාශ කර තිබුණා.
On Monday, Instagram will be blocked in Russia. This decision will cut 80 million in Russia off from one another, and from the rest of the world as ~80% of people in Russia follow an Instagram account outside their country. This is wrong.
— Adam Mosseri (@mosseri) March 11, 2022
