මීට පෙර මාසයකදී පේරු රාජ්‍යයෙන් සොයාගත් පිටසක්වළ ජීවීන්ගේ යැයි සැක කරන ලද මළ සිරුරු දෙකක් පළමු වරට මෙක්සිකෝ කොන්ග්‍රසයට ඉදිරිපත් කිරීමත් සමග එය විශාළ මතභේදයකට තුඩු දුන් අතර දැන් දෙවන වරටත් එම මළ සිරුරු සැබෑ ඒවා බවට සාක්ශි සහිතව වෛද්‍යවරුන් සහ මාධ්‍යවේදීන් මෙක්සිකෝ කොන්ග්‍රසයේ දෙවැනි සැසියක් පවත්වා තිබෙනවා.
Jaime Maussan නම් මාධ්‍යවේදියෙකු විසින් මෙය මෙහෙයවූ අතර මෙම මළ සිරුරු, වරක් ජීවත් වූ ජීවීන්ගේ සැබෑ මළ සිරුරු බවට ඔප්පු කිරීම සඳහා වෛද්‍යවරුන් කණ්ඩායමක්ද ගෙන්වා ගෙන තිබුණා.
පසු ගිය අඟහරුවාදා දින, Clara සහ Mauricio ලෙස හඳුන්වන මෙම මළ සිරුරු වල නව ඡායාරූප සහ x ray මෙක්සිකෝ කොන්ග්‍රසයට ඉදිරිපත් කළ අතර පර්‍යේශකයන් සඳහන් කළේ එම පින්තූර සහ X ray එම මළ සිරුරු සැබෑ ඒවා බවට ඔප්පු කරන බවටයි.
එසේම විද්‍යාඥයන් විසින් එම මළ සිරුරු වල DNA දෙමුහුන් බවට පෙන්වා දුන් අතර එම සිරුරු මිනිසුන්ගෙන් පැවත එන්නක් බවටද යෝජනා කර තිබෙනවා.
කෙසේ වෙතත් ඔවුන් මේවා පිටසක්වල සිරුරු බවට සඳහන් නොකළ අතර එම සිරුරු වල මූලාරම්භ කතාවක් පවා ප්‍රකාශ කර තිබුණේ නැහැ.
