Motorola විසින් 2023 Lenovo Tech world උත්සවයේදී ඔවුන්ගේ නවතම Adaptive Display සංකල්පය එළි දක්වා තිබෙනවා.
අතේ පැළඳිය හැකි ලොව පළමු Smart දුරකථනය ලෙස නම් කර ඇති මෙය අඟල් 6.9 OLED තිරයකින් සමන්විත වන අතරම බ්‍රේස්ලට් එකක් ආකාරයට එය අතෙහි මැණික් කටුව වටා පැළඳිය හැකි වෙනවා.
මෙම දුරකථනය, පරිශීලකයින්ගේ ඇදුම අධ්‍යයනය කර එයට ගැළපෙන Wallpaper pattern සකස් කළ හැකි On-board Genarative AI එකකින්ද සමන්විත වෙනවා.
එසේම Motorola විසින් AI-powered Assistant කෙනෙකු ලෙස සහය වන “MotoAI”, AI-powered new document scanner, AI text summerization සහ සමාජ මාධ්‍ය තුළ පළ කරන Screenshot හී පුද්ගලික තොරතුරු blur කළ හැකි “Privacy Content Obfuscation” වැනි නවතම AI Functions කිහිපයක්ද මෙම Event එකේදී හඳුන්වා දී තිබෙනවා.
දැනට මෙම දුරකථනයේහි කල්පැවැත්ම, ආවරණ විසඳුම් වැනි ප්‍රායෝගිකත්වය පිළිබඳ ගැටළු පැවතියත් Motorola ගේ මෙම සංකල්පය දැනට පවතින Smart දුරකථන වල ඇති සීමාවන් බොහොමයක් බිඳ දමනවා.
