මේකනම් ටිකක් කුතුහලය දනවන දෙයක්. විද්‍යාඥයින් පිටසක්වල ජීවයක් හොයාගන්න විවධ පරීක්ෂන කරනව කියන එක අපි හැමොම දන්න දෙයක්. මේකත් ඒවගේ පිටසක්වල ජීවින් පිලිබද සාක්ෂියක් සොයාගැනීමට පෘථිවියෙහි ජීවය පිලිබද දත්ත පටිගත කර අභ්යවකාශයට යවමින් කරන පරීක්ෂණයක්.
1977 දි විද්‍යාඥයින් Voyager අභ්‍යවකාශ යානා දෙකක් කක්ෂ ගත කරනව. විශේෂයනම් මේ යානා දෙක තුල පෘථිවියෙහි පණිවුඩ රැගත් phonograph වාර්තා දෙකක් ඇතුලත් කර තිබීම.
Voyager Golden Records ලෙස හදුන්වන මෙම වාර්තා තුල පෘථිවියේ ජීවයේ සහ සංස්කෘතියේ විවිධත්වය නිරූපණය කරන තෝරාගත් ශබ්ද සහ රූප අඩංගු වනවා.
දැනට පෘථිවියේ සිට මිනිසා විසින් සාදන ලද අභ්‍යවකාශයෙහි ඇති දුරම වස්තුව වන මෙම Voyager 1 යානය 1977 දී දියත් කල අතර,1990 දී ප්ලූටෝගේ කක්ෂය පසු කර, 2004 නොවැම්බර් මාසයේදී සෞරග්‍රහ මණ්ඩලයෙන් පිටත් වී තිබුණි.
වසර 40,000 කින් පමණ පසු Voyager 1 Camelopardalis තාරකා මණ්ඩලයේ පිහිටා ඇති Gliese 445 තරුව වෙත ළඟා වනු අතර Voyager 2 ඇන්ඩ්‍රොමීඩා තාරකා මණ්ඩලයේ පිහිටා ඇති Ross 248 තරුව වෙත ළඟා වීමට නියමිතයි.
මෙලෙස මෙම යානා දෙක තුල ඇතුලත් කල වාර්තාව ගත් විට එය රන් ආලේපිත තඹ වලින් ඉදිකර ඇති විෂ්කම්භය අඟල් 12 (සෙ.මී. 30) පමණ වන තැටියකි. තැටියේ කවරය ඇලුමිනියම් වලින් නිපදවා ඇති අතර එය මත යුරේනියම්-238 සමස්ථානිකයේ අතිශය පිරිසිදු සාම්පලයකින් electroplated කර තිබෙනවා.
යුරේනියම්-238 හි අර්ධ ආයු කාලය වසර බිලියන 4.468 ක් ( ස්කන්ධ වර්ණාවලීක්ෂය හරහා ) වන අතර වාර්තාව හමුවන ශිෂ්ටාචාරයකට වාර්තාවේ වයස තීරණය කිරීම සඳහා ඉතිරිව ඇති යුරේනියම් සහ අනෙකුත් මූලද්‍රව්‍යවල අනුපාතය භාවිතා කිරීමට හැකි වනවා.
වාර්තා තුල අන්තර්ගතයන්…
මෙම තැටි තුල අන්තර්ගත කල යුතු දේවල් තෝරාගනු ලැබුවේ Cornell විශ්වවිද්‍යාලයේ Carl Sagan ගේ සභාපතිත්වයෙන් යුත් කමිටුවක් විසිනි. වාර්තාව සදහා අන්තර්ගතයන්තෝරාගැනීමට වසරකට ආසන්න කාලයක් ගත විය. Sagan සහ ඔහුගේ සාමාජිකයින් විසින් ඡායාරූප 115 ක්, සර්ෆ්, සුළඟ, ගිගුරුම් සහ සතුන් විසින් සාදන ලද ( කුරුල්ලන්ගේ හා තල්මසුන්ගේ ගීත ඇතුළුව) විවිධ ස්වභාවික ශබ්ද තැටියට එකතු කෙරුණි. එලෙසම මෙයට ඔවුන් මනුෂ්‍යත්වය නියෝජනය කිරීම සඳහාද ශ්‍රව්‍ය අන්තර්ගතයන් එක් කල අතර ඒ සදහා එක්සත් ජාතීන්ගේ මහලේකම් කර්ට් වෝල්ඩ්හයිම් විසින් ඉංග්‍රීසි භාෂාවෙන් කරන කථන ආචාරයක් සහ සාගන්ගේ හය හැවිරිදි පුත් නික්ගේ ආචාරයක් ඇතුළුව පුරාණ හා නවීන භාෂා 55 කින් යුතු ආචාරයන් ඇතුලත් කර තිබෙනවා.
වොයේජර් ගෝල්ඩන් රෙකෝඩ් හි සටහන් කර ඇති ඉංග්‍රීසි භාෂාවෙන් දරුවෙකුගේ සුබ පැතුම් (නික් සාගන්, වයස අවුරුදු 6)
පින්තූර එකතුවට කළු සහ සුදු සහ වර්ණ යන දෙවිදියෙන්ම බොහෝ ඡායාරූප සහ රූප සටහන් ඇතුළත් වෙි. පළමු පින්තූර විද්‍යාත්මක උනන්දුවක් දක්වන අතර, ගණිතමය හා භෞතික ප්‍රමාණ, සෞරග්‍රහ මණ්ඩලය සහ එහි ග්‍රහලෝක, DNA , සහ මානව ව්‍යුහ විද්‍යාව සහ ප්‍රජනනය පෙන්වනු ලබනවා. මනුෂ්‍යත්වයේ පින්තූර පමණක් නොව සමහර සතුන්, කෘමීන්, ශාක සහ භූ දර්ශන ද මෙයට ඇතුලත්.
මනුෂ්‍යත්වයේ රූප පුළුල් පරාසයක සංස්කෘතීන් නිරූපණය කරමින් මෙම පින්තූර ආහාර, ගෘහ නිර්මාණ ශිල්පය මෙන්ම ඔවුන්ගේ එදිනෙදා ජීවිතය ගත කරන ආකාරය පවා පෙන්වනු ලබනවා.
බොහෝ පින්තූර කාලය, ප්‍රමාණය හෝ ස්කන්ධයේ පරිමාණයන් එකක් හෝ කිහිපයක් සමඟින් සටහන් කර ඇති අතර සමහර රූපවල රසායනික සංයුතිය පිළිබඳ ඇඟවීම්ද අඩංගු වේ.
සංගීතය තේරීමේීදී, JS Bach , Mozart , සහ Stravinsky වැනි නිර්මාපකයින්ගේ කෘති ඇතුළත් වනවා. එලෙසම මෙම තැටියට Guan Pinghu , Blind Willie Johnson , Chuck Berry , Kesarbai Kerkar , Valya Balkanska , සහ ඉලෙක්ට්‍රොනික නිර්මාපකයෙකු වන Laurie Spiegel ගේ සංගීතය ද, oboe වාදක Kamil Jalilov ගේ අසර්බයිජානියානු ජන සංගීතය ( Mugham ) ද ඇතුළත් වනවා.
පෘථිවි ඉතිහාසය, ශිෂ්ටාචාර සහ ඔවුන් මුහුණ දෙන ගැටළු සහ ආදරයෙන් බැඳීම කෙබඳුද යන්න ඇතුළු බොහෝ මාතෘකා වලට අදාල ඈන් ඩ්‍රැයන්ගේ මොලයේ තරංගයන්ද පටිගත කර මෙයට ඇතුලත් කර තිබෙනවා.
රූප 115 analogue ආකාරයෙන් කේතනය කර ඇති අතර vertical line 512 කින් සමන්විත වනවා. වාර්තාවේ ඉතිරි කොටස ශ්‍රව්‍ය කොටසකින් සමන්විත වන අතර එය මිනිත්තුවකට 16+2⁄3 revolutions එකකින් වාදනය වීමට නිර්මාණය කර තිබෙනවා.
කෙසේ නමුත් විද්‍යාඥයින්ට අනුව 2025 පසුව යානා දෙකෙහි කිසිදු උපකරණයක් බල ගැන්වීමට ප්‍රමාණවත් ශක්තියක් නොතිබෙනු ඇතැයි අපේක්ෂා කෙරෙනවා.
අන්තර්ගගත අනෙකුත් ඡායාරූපයන්…
අන්තිමට කියන්න තියෙන්නෙ මෙකෙන් හොද නරක දෙකෙන්ම බලපෑමක් ඇති වෙන්න පුලුවන්.
මේ record ලැබෙන ජීවින් අනිවාර්යයෙන් දියුණු ශිශ්ටාචාරයක ජීවින් විය යුතුයි.මොකද අභ්‍යවකාශය තුල ගමන් කිරීමට මෙන්ම මෙහි ඇති දත්ත තේරුම් ගත හැක්කේ අප හා සමාන හෝ අපට වඩා ඉතා දියුණු ජීවින්ට පමනක් නිසා.
දියුණු ජීවින්ට ලැබී ආගමනයක් සිදුවුවහොත් පෘථිවිය තුලත් තාක්ෂනයේ ඉහල දියුණු වක් ඇති වෙනව වගේම ඒකෙ නරක පැතිකඩෙහි බලපෑමටත් සූදානම් වෙන්න වෙනවා.
අතීතයෙ ඉදන්ම පිටසක්වල ජීවින් ගැන මිනිසා තුල චිත්‍රපටි වලින් පවා කාවද්දා ඇති සිතුවිලි වුවත් එතරම් යහපත් ඒවත් නෙමේනේ….
