පෙන්ටගනය අසල පිපිරීමක් පෙන්නුම් කෙරෙන AI – generated රූපයක් ගිය සඳුදා ට්විටර් හී වයිරල් වීමත් සමග එක්සත් ජනපද කොටස් වෙළඳපල සීඝ්‍රයෙන් කඩා වැටී තිබෙනවා.
National news organizations ඇතුළු verified ට්විටර් ගිණුම් විශාළ ප්‍රමාණයක් ද මෙම ඡායාරූපය ට්විටර් හරහා බෙදාගෙන තිබෙන අතර මෙම සිද්ධිය නිසා මිනිත්තු 5ක් තුළ S&P 500 පොයින්ට් 10කින් පහත වැටී තිබෙනවා. විවිධ ප්‍රවෘත්ති මූලාශ්‍ර මගින් මෙය සත්‍ය ලෙස වාර්තා කිරීමත් සමග එය පොයින්ට් 30න් පහළ වැටී තිබෙනවා. ඒ අනුව මෙහි ප්‍රතිඵලයක් ලෙස ඩොලර් බිලියන 500ක වෙළඳපල වටිනාකමක් වෙනස් වී තිබෙනවා.
කෙසේ වෙතත් ආර්ලින්ටන් ගිනි නිවන දෙපාර්තමේන්තුව මෙම සිදුවීම නිශ්ප්‍රභා කර තිබුණේ පෙන්ටගනයේ රක්ශිතයේ හෝ එම ආසන්නයේ කිසිම පිපිරීමක් හෝ සිදුවීමක් නොමැති බවයි.
මෙම සිදුවීමත් සමග බොහෝ අය උසස් AI තාක්ශණයට දොස් පවරා තිබෙන අතර තවත් අය මෙම ඡායාරූපයේ සත්‍යතාව පරික්ශා නොකර ට්වීට් කළ ට්විටර් ගිණුම් වලට බැන තිබෙනවා.
